Integrimi
Refugjatët e djeshëm, helvetët e nesërm
Fluksi i refugjatëve që ia kanë mësyrë disa vendeve evropiane nxit preokupime legjitime për disa shtete që janë të prekura drejtpërdrejt nga ky numër i madh njerëzish, dhe që vazhdon me intensitet të njëjtë. Që me muaj, me mijëra burra, gra, fëmijë që i kanë braktisur vendet e tyre të prejadhjes në Siri, Afganistan apo gjetiu, marrin rreziqe të mëdha për sigurinë e tyre fizike dhe të familjeve në rrugëtimin e tyre, madje duke angazhuar shuma financiare marramendëse, që të arrijnë në destinacion në kontinentin e vjetër, me shpresë që t`ia rifillojnë një jete të re.
Ky numër njerëzish, që nuk arrijnë me projekt konkret por me pritje të mëdha, janë një barrë njerëzore dhe finansiare që kërkon angazhim fillestar konsekuent në etablimin dhe fillimin e integrimit të tyre. Ky fenomen paraqet një dimension politik konsekuent nga shkaku i frikës që shkakton te popullata e vendit pritës ky fluks njerëzish që shkelin këtë tokë, dhe që vijnë nga rajone që janë burim i trazirave gjeopolitike me dimension fetar të theksuar. Kjo edhe e shpjegon deri në një shkallë drojën dhe solidaritetin e kufizuar ndaj tyre në shoqëritë perëndimore.
Mirëpo, siç edhe e dëshmon një studim i freskët i OCDE-së, të huajt, pra edhe refugjatët, e kanë një kosto materiale të lartë afatshkurtër në fillim, porse dobitë për vendet pritëse janë shumë më të rëndësishme në afate të mesme apo të gjata, dhe kjo falë vitalitetit dhe motivimit për t’ia dalë në jetën e tyre të re.
Prandaj, duke u nisur nga ky konstatim i sfidave, dhe sidomos i dobive që sjellin të huajt, ky numër i revistës Albinfo.ch sjell disa portrete me shembuj pozitiv të refugjatëve në Zvicër, qofshin ata me prejadhje shqiptare apo jo, në fusha të ndryshme, qoftë në ekonomi, kulturë apo në sport.
Kështu, krahas një interviste ekskluzive me priftin eritrean Musie Zerai të njohur si “ikonë e refugjatëve”, në faqet e revistës mund të lexohen edhe shumë tekste që lidhen me një emërues të përbashkët: të kaluarën si refugjat-e. Këtu kemi një editorial të Miranda Ademajt, ish refugjates, themeluese dhe drejtuese e fondit të investimeve “Skenderbeg”, një intervistë me kandidaten për çmimin më të madh letrar të Zvicrës, turken nga Kosova, Meral Kureyshi, rrëfimin interesant të Kaltrina Durmishit, po ashtu ish refugjate, e cila sot administron shuma marramendëse parash në qendrën e bankës së madhe Raiffeisenbank në Vjenë, intervistën me aktivisten e njohur shqiptare nga Zvicra, Drita Ibrahimi-Shabani, etj.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Mbi katër mijë milionerë në Zvicër Këto ishin vite të majme për fituesit më të mëdhenj. Pagat e tyre janë rritur ndjeshëm,...
-
Drejt fundit të tarifës së dyfishtë të energjisë elektrike: përshtatja dhe ndryshimet në konsumin e energjisë
-
Mostransparencë e plotë në marrëveshjet mes siguruesve dhe spitaleve private
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike