Bota
A do të hiqen emrat e banorëve nga zilet e derës?!
Pëderisa me disa vende fqinje, shenjat e emrave të banorëve pranë ziles janë hequr, për të mbrojtur privatësinë, në Zvicër emri mbetet i detyrueshëm.
Në Vjenë, një qiramarrës është ankuar tek kompania e tij e menaxhimit të pronës komunale, “Wiener wohnen” (menaxhuesja më e madhe e pronës komunale në Europë), se ai ndjehet se i është shkelur privatësia e tij për shkak të emrit të tij në zilen e banesës.
Administrata ka marrë informatë nga qyteti i Vjenës se kombinimi i mbiemrit dhe numri i banesës kanë shkelur rregulloren e BE-së për mbrojtjen e të dhënave, shkruajnë mediat zvicerane, përcjell Albinfo.ch.
Kompania reagoi ndaj kësaj informate dhe menjëherë i hoqi shenjat nga të gjitha 220,000 banesat në Vjenë. Tani, në vend të emrave janë shënuar numra. Edhe në Gjermani, një shoqatë e pronarëve të patundshmërive ka rekomanduar që 990.000 anëtarët e saj, të marrin parasysh dëshirat e qiramarrësve. Arsyeja për këtë ishte një shkelje e mundshme e Rregullores së BE-së për mbrojtjen e të dhënave, ka shkruar “Zeit Online”, informon Albinfo.ch.
Avokati nga Cyrihu, Martin Steiger, një ekspert për Ligjin e mbrojtjes së të dhënave, mund edhe të imagjinojë se njerëzit e pambrojtur do të donin të heqnin dorë nga një shenjë me emrin e tyre në zilet apo në kutitë postare. Atij i shkon mendja tek viktimat e stalkingut, mirëpo shenja e emrit në derë është e paraparë ligjërisht.
Në rast emergjence, ai ka pohuar se ambulanca do të mund të ketë vështirësi për gjetjen e një personi në nevojë.
Të ngjashme
Të tjera nga Bota
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?