Abazoviq merr pjesë në hapjen e fabrikës me investitor rus

Në Nikshiq të Malit të Zi është inauguruar sot fabrika e vodkës Beluga, ku më shumë se 200 punëtorë tashmë janë të punësuar në prodhim, administrim dhe logjistikë.

Fabrika, e cila investitor dhe prodhues ka një shtetas rus, u hap nga kryeministri në detyrë, Dritan Abazoviq dhe Alexander Machetin, investitor dhe themelues i kompanisë nga Rusia.

Fakti që investitori është rus, nuk ka shfaqur kontestim për kryeministrin e Malit të Zi, përcjell albinfo.ch.

“Fakti se Rusia është nën sanksione nuk do të thotë se të gjitha kompanitë dhe banorët e tyre janë nën sanksione. Ekziston lista e kompanive dhe individëve që janë nën sanksione. Ne kemi edhe turistë rusë në Mal të Zi. Ne nuk mund t’i ndalojmë ata që nuk janë nën sanksione të hyjnë ose të bëjnë biznes në Mal të Zi”, tha Abazoviq.

---