Aeroporti ‘Luton’, më i dobëti në Britani 

Kjo për shkak të radhëve të gjata, dyqaneve, ulëseve dhe stafit aspak cilësor

Aeroporti ‘Luton’ është cilësuar si më i dobëti në Mbretërinë e Bashkuar. E ky është viti i tretë rresht që e rëndit këtë aeroport si më të dobëtin për cilësi. Sondazhi u realizua si pjesë e një studimi për kënaqësinë e udhëtarëve.

Aeroporti Luton është vlerësuar me një yll. Kjo për shkak të radhëve të gjata, dyqaneve, ulëseve dhe stafit aspak cilësor. Por një përfaqësues i aeroportit tha se studimi përfaqësonte një pjesë të pasagjerëve dhe se 70% e të anketuarve ishin të kënaqur me eksperiencën. “Doncaster Sheffield” u zgjodh aeroporti më i mirë i Britanisë së Madhe.