Shqipëria
Çdo i treti migrant ilegal në Britaninë e Madhe vjen nga Shqipëria
Nga vetëm 50 shqiptarë që kishin kaluar ilegalisht Kanalin Anglez për në Britani gjatë vitit 2021 – këtë vit ky numër ka arritur në më shumë se 12,000
Shqiptarët përbëjnë pothuajse një të tretën e emigrantëve që kanë kaluar ilegalisht Kanalin për në Mbretërinë e Bashkuar këtë vit, transmeton albinfo.ch. Numri është rritur në 12,000 nga vetëm 50, sa ishin në vitin e kaluar, ka thënë Dan O’Mahoney nga Home Office në një komision parlamentar. Prej tyre, 10,000 janë burra beqarë.
Kjo përkon me një deri në dy për qind të të gjithë popullsisë së rritur mashkullore të shtetit ballkanik, citoi të enjten zyrtarët gazeta “Daily Mail”.
Rritja është eksponenciale, tha O’Mahoney. “Ne besojmë se kjo është kryesisht për shkak të bandave kriminale shqiptare që fitojnë terren në Francën veriore dhe kanë filluar të mbështesin një numër shumë të madh emigrantësh”, shkruan faz.de.
Ka pasur kritika të vazhdueshme në MB se rojet kufitare franceze po bëjnë shumë pak për të parandaluar kalimet e paligjshme. Por O’Mahoney mbron francezët. Deri më tani ata kanë parandaluar 28,000 përpjekje dhe kanë shkatërruar më shumë se 1,000 varka, përcjell albinfo.ch. Kjo është dy herë më shumë se vitin e kaluar, tha zyrtari.
Qeveria konservatore dëshiron të kufizojë numrin e emigrantëve që hyjnë ilegalisht në vend. Si një pengesë, ajo ka arritur një marrëveshje me Ruandën.
Në të ardhmen, emigrantët duhet të dorëzohen në vendin e Afrikës Lindore dhe të aplikojnë për azil atje në vend të Britanisë së Madhe. Nëse kërkesa pranohet, ata duhet të qëndrojnë atje. Përndryshe ata do të përballen me deportimin në vendet e tyre të origjinës. Agjencia e Kombeve të Bashkuara për refugjatët e sheh planin si një shkelje të ligjit ndërkombëtar.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Migros do të sjell hamburgerë të rinj, zviceranet skepitk Migros do të shesë hamburgerë të prodhuar nga mbeturinat e birrës...
-
Rreth 150 mëlçi transplantohen në të gjithë Zvicrën çdo vit
-
Dështon nisma që donte të ndryshonte Kushtetutën
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje