Integrimi
Ahmet Gjanaj, deputeti i parë shqiptar në parlamentin belg
"Jam deputeti i fundit që hyn në Parlamentin e Brukselit dhe këtë e bëra për 10 vota më shumë. Unë mora 3.380 vota, ndërsa kandidati pas meje, mori 3,370"

Një përvojë shumëvjeçare e angazhimit politik në nivele lokale dhe rajonale i është shpërblyer politikanit shqiptar me pozitën e deputetit në Parlamentin Federal të Belgjikës. Për herë të parë komuniteti shqiptar në Belgjikë do të përfaqësohet me deputet në Parlamentin e Brukselit në Shtator, kur kandidati socialist Ahmet Gjanaj, me origjinë nga Kukësi, pritet të bëjë betimin në nisje të legjislaturës së re.
“Ndodhi një mrekulli që arrita të marr mandatin. Jam deputeti i fundit që hyn në Parlamentin e Brukselit dhe këtë e bëra për 10 vota më shumë. Unë mora 3.380 vota, ndërsa kandidati tjetër që nuk fitoi mori 3,370. Do të jetë një risi që komuniteti të jetë i ushqyer në aspektin e subvencioneve nga shteti belg për shkak të ndikimit të një deputeti me origjinë shqiptare”, shprehet Gjanaj për televizionin Topchanel.
Sistemi i vjetëruar informatik belg u bllokua mesnatën e së dielës, kur në vend u organizuan për herë të parë zgjedhjet rajonale, federale dhe europiane.
Ministria e Brendshme belge, që menaxhon zgjedhjet rajonale, publikoi formalisht rezultatet, por certifikimi i tyre sipas Gjanajt mbahet peng nga komisioni zgjedhor për shkak të ankesës së një kandidati të djathtë me origjinë turke.
“Një komisioner, si duket i lidhur me këtë kandidat, nuk pranon të firmosë procesverbalin. Domethënë, gjërat që ne i kemi parë në Shqipëri, tani po ndodhin edhe në Belgjikë, që është një risi”, thotë Gjanaj.
Dy kandidatët e tjerë shqiptarë që garuan për të djathtën humbën në këtë betejë rajonale. Elona Zhana nga Tropoja mori vetëm 510 vota për CDH, ndërsa Burim Demiri nga Kumanova siguroi 1.125 vota për Federatën e Frankofonëve, duke forcuar pozitën e tij në këtë parti, shkruan tch.
LAJME INTERESANTE NGA INTERNETI
Të tjera nga Integrimi
E-Diaspora
-
Media franceze: Historia prekëse e kosovares, ish-kandidate për Miss Franca Media franceze “Purepople” ndan historinë e një vajze shqiptare, e ikur nga lufta e fundit në...
-
Bukurie Limani, personifikim i mësimit të shqipes në Grac
-
Kurz kërkon nga BE-ja “pasaportë të gjelbër” për të vaksinuarit ndaj Covid -19
-
Mbi 41 mijë vota nga diaspora janë aprovuar, 16 mijë e 288 janë refuzuar
-
Takimi i mjekëve të Diasporës: Procesi i vaksinimit dhe masat që duhet të merren
Jeta në Zvicër
-
Vjosa Osmani, më 3 mars, për vizitë zyrtare në Zvicër Ftesa për vizitë kthimi i është drejtuar asaj në cilësinë e kryetares së Parlamentit të Kosovës....
-
Zvicër: Variantet e reja të virusit po bëhen dominuese
-
Numri i fluturimeve në Zvicër bie në nivelin e viteve `80
-
1065 raste të reja me Covid në Zvicër, gjatë 24 orëve të fundit
-
Zvicër
6 kantonet e “rebeluara” dorëzohen para federatës, mbyllin tarracat