Lajme

Aksident fatal malor në Valais – Humbin jetën 3 persona

Të martën (sot), tre alpinistë kanë humbur jetën në Crête de Milon, Valis. Mes viktimave janë dy alpinistë belgë dhe një franceze

Të martën, në Zinal, Valis, është këputur një litar me të cilin ishin lidhur tre persona, transmeton albinfo.ch. Për pasojë, kanë humbur jetën dy burra të moshës 31 vjeç dhe një grua 28 vjeç.

Ata, në një grup prej pesë personash ishin larguar rreth orës 04:50 nga kasollet e Arpitettaz, ku kishin kaluar natën,. shkruan sda.ch.

Grupi u nda në dy ekipe: një ekip me tre persona dhe tjetri, me dy. Në Crête de Milon, ekipi prej tre personash që i kishte paraprirë ekipit me dy persona u rrëzua pak më poshtë majës, në një lartësi prej rreth 3400 metrash. Ekipi prej dy anëtarësh që ka ndjekur ka njoftuar menjëherë kasollen e Arpitettaz dhe ekipet e shpëtimit.

Një helikopter Air Zermatt dhe një makineri Air-Glacier kanë arritur shpejt në vendin e ngjarjes, shkruan policia, transmeton albinfo.ch. Ekuipazhet mundën vetëm të konstatonin vdekjen e viktimave dhe të evakuonin ekipin e mëposhtëm me litar.

Të vdekurit ishin dy burra belgë 31 vjeç që jetonin në Belgjikë dhe një franceze 28 vjeçe që jetonte në Francë. Sipas policisë, grupet, të pajisura mirë, ishin duke udhëtuar pa udhërrëfyes malor. Prokuroria publike ka nisur hetimet.