Lajme
Alarmohet Zvicra: Dy nxënës janë infektuar me tuberkuloz
Kjo sëmundje mund të trajtohet me antibiotikë, por, nëse mbetet e patrajtuar brenda disa muajve, ajo shpesh përfundon me vdekje
Tuberkulozi perceptohet si sëmundje e shekujve të shkuar dhe falë përparimit të mjekësisë, e tejkaluar tashmë sa kohë. Por, kjo sëmundje ngjitëse vazhdon të paraqitet herë pas here, madje edhe në vende të zhvilluara e të përparuara si Zvicra, shkruan albinfo.ch
Rasti më i ri është regjistruar ditëve të fundit dhe për të është alarmuar popullata sot, përmes mediave.
Në Kantonin Aargau janë identifikuar një nxënëse dhe një nxënës me virus të tuberkulozit. Bëhet fjalë për dy nxënës të dy shkollave të ndryshme, në Suhr dhe në Wynental të këtij kantoni, shkruan srf.ch. Duke qenë se kjo sëmundje karakterizohet nga një rrezikshmëri e lartë e infektimit, shkolla ku është gjetur nxënësja e infektuar ka paralajmëruar prindërit se më 24 tetor të gjithë nxënësve do tu bëhet një test i gjakut.
Rreth 550 njerëz infektohen brenda vitit në Zvicër nga tuberkulozi. Kjo sëmundje mund të trajtohet me antibiotikë, transmeton albinfo.ch. Por, nëse mbetet e patrajtuar brenda disa muajve, ajo shpesh përfundon me vdekje.
Simptomat tipikë të tuberkulozit janë kollitja, shpesh me të pështyra, temperatura dhe humbja e peshës. Infektimi nga kjo sëmundje mund të konstatohet jo më shpejt se dy muaj pasi të ketë nodhur. Më të rrezikuarit nga tuberkulozi janë fëmijët e vegjël dhe personat me imunitet të dobësuar.
E-Diaspora
-
Kroaci: Ermina Lekaj Prljaskaj nuk siguroi votat e duhura për deputete Shqiptarët mbeten pa deputet në Kroaci...
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër