Kosova

Albin Tahiri, afër kualifikimit për Lojërat Olimpike “Beijing 2022”

Skitari kosovar, Albin Tahiri, për dy ditë radhazi është duke zhvilluar garat e sllallomit në Reiteralm të Austrisë. Derisa dje përfundoi në vendin e 74-t, sot Albin Tahiri arriti të zërë pozitën e 60-të, shkruan albinfo.at

 

Në garën e sotme ishin 144 garues, ku 61 prej tyre nuk arritën ta përfundojnë garën shkaku i kushteve të vështira.

Më këtë rezultat, skitari ynë, Albin Tahiri, ka arritur rezultatin e nevojshëm për pikë Olimpike Beijing 2022 (Pekin 2022).

Tahiri deri më tani ka përmbushur me sukses misionin e dy prej pesë rezultateve të nevojshme për normë Olimpike, raporton albinfo.at.

Deri në proces të kualifikimit i duhen edhe tri rezultate me pikë nën 140 të Federatës Ndërkombëtare të Skitarisë (FIS). Sot ai pati 117 pikë.

Lojërat Olimpike Dimërore mbahen në shkurt të vitit të ardhshëm në Pekin të Kinës.

Pikërisht me Albin Tahirin, Kosova kishte debutuar në LOD PyeongChang 2018.

 


LAJME INTERESANTE NGA INTERNETI