Kultura
Albumi i bendit të Altin Asllanit, më i miri në Zvicër për vitin 2016
“Sot `mbaroi mandati` i titullit `SRG 3 Best Talent” për nëntor pasi që ai çdo muaj i jepet dikujt tjetër. Por ne iu gëzuam menjëherë një lajmi tjetër të mrekullueshëm: SRF 3 e ka shpallur albumin tonë "Lightning Love” si albumin zviceran më të mirë të vitit në kategorinë e rokut"
Vetëm një muaj më parë albumi “Lightning Love” i bendit “Pablo Infernal” që drejtohet nga Altin Asllani qe zgjedhur si album i muajit nëntor nga radio sfr 3. “Fituesi i `Best Talent` për nëntor ka më shumë potencial se të gjitha aktet e rokut prej një kohe të gjatë në Zvicër”, shkruante srf.ch, transmeton albinfo.ch
Ndërsa tash, djelmoshat e këtij bendi kanë marrë një lajm edhe më të mirë: albumi i tyre është zgjedhur më i miri i vitit 2016 nga radioja që i përket transmetuesit publik të Zvicrës.
Çunat e rinj nga Cyrihu përmendin emra të mëdhenj si “Deep purple”, “Led Zeppelin“ ose “Wolfmother” si burimet kryesore të ndikimit në muzikën e tyre. Por, ata nuk lejojnë të asimilohen nga ky ndikim prandaj muzika e tyre tingëllon gjithmonë e mëvetësishme dhe asnjëherë si një kopje. Të zhurmshëm, të egër por megjithatë melodiozë dhe të fortë. Prandaj vula që kanë marrë si “SRF 3 Best Talent” në muajin nëntor është diçka që kuptohet vetvetiu, thuhet në përkushtimin e redaksisë me rastin e ndarjes së çmimit.
“Sot `na ka kaluar mandati` i titullit zyrtar si `SRG 3 Best Talent” të nëntorit, pasi që ky titull për çdo muaj i jepet dikujt tjetër. Por ne iu gëzuam menjëherë pas kësaj një lajmi tjetër të mrekullueshëm: SRF 3 e ka shpallur albumin tonë debutues “Lightning Love” si albumin zviceran më të mirë të vitit në kategorinë e rokut. Njerëz, po ndjehemi të nderuar!”, shkruan Altini në murin e tij të facebook-ut ku e bën të ditur lajmin.
Dhe, sigurisht që duhet të ndjehet i nderuar dikush të cilit i bëhet një vlerësim sikur ky në vijim: “Qëkur kam njohur `Pablo Infernal” unë nuk mërzitem më për rininë e sotme. Ata janë rreth të 20-tave, flasin dhe citojnë Deep Purple, Frank Zappa, Beatles, Led Zeppelin me siguri absolute stili dhe kanë potencial siç nuk ka pasur asnjë rok bend zviceran prej kohësh”, kishte shkruar redaktori i SFR3 Dominic Dillier, transmeton albinfo.ch. Pablo Infernal nuk pëlqejnë gjërat “e hekurosura në mënyrë perfektë” por synojnë drejt një “papastërtie” të caktuar. Ata e gjejnë burimin e tyre në vitet `70 kur muzika, sipas mendimit të tyre ishte ende e pasofistikuar (e virgjër) dhe jetonte nga emocionet. Dhe në fakt ata ia kanë dalë që këtë vepër arti ta transportojnë saktësisht në të tashmen”.
Të tjera nga Kultura
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter