Aleanca Kuq e Zi: Mos e prekni abetaren

Aleanca Kuq e Zi i bën thirrje Kuvendit të Shqipërisë të hetojë marrëveshjen e qeverisë me diplomacinë serbe për ndryshimin e abetares

Nëpërmjet një komunikate, Aleanca Kuq e Zi i bashkohet revoltës së qindra shqiptarëve dhe intelektualëve në Preshevë, të cilët refuzojnë dhunimin e abetares shqiptare nëpërmjet heqjes së simboleve kombëtare shqiptare.

Pak ditë më parë qeveria dhe shteti shqiptar ka pajisur me abetare shkollat shqiptare në jug të sërbise, përkatësisht Preshevë, Medvegj dhe Bujanovc. Të njëmijë abetaret që janë dhuruar nga shqipëria janë punuar mbi standardet e kërkuara nga qeveria sërbe duke hequr flamurin dhe çdo simbol shqiptar në përmbajtje të tyre.

Aleanca Kuq e Zi proteston ashpër duke e konsideruar një incident dhe skandal diplomatik në dëm të integritetit, identiteti dhe simboleve tona kombëtare. Për këto arsye Aleanca Kuq e Zi i bën thirrje Kuvendit të Shqipërisë me përparësi të mbledhë Komisionin për Politikat e Jashtme dhe të shqyrtojë këtë skandal që cenon simbolet kombëtare të Shqipërisë dhe shqiptarëve.