Ambasada e Italisë: Përmeti, zgjedhja ideale

Foto: Ambasciata d'Italia a Tirana (Fb)

Bukuritë natyrore të Shqipërisë, jo vetëm që po pëlqehen, por edhe po rekomandohen nga të huajt, përcjell albinfo.ch.

Së fundmi, Ambasada e Italisë në Tiranë ka rekomanduar Përmetin si një vend ideal për fundjava.

“Mirëdita nga natyra që rrethon qytetin e vogël të Përmetit, i njohur edhe si qyteti i trëndafilave”.

Nga kjo ambasadë kanë rekomanduar turistët që të vizitojnë Përmetin, duke e përmendur edhe ushqimin.

“Buzë lumit Vjosa, Përmeti është zgjedhja ideale për një fundjavë plot me aventura në qiell të hapur dhe për ushqim të mirë.  Vetëm pak kilometra larg qytetit do të mund të vizitoni kanionet e famshme të Langaricës, vaskat termale të Benjës apo Parkun Kombëtar Bredhi i Hotovës”, thuhet në shkrim.