Raportimet e mediave serbe për zjarrin në katedrale, skandaloze

EPA/IAN LANGSDON

Ambasadori i Francës në Serbi, Frederic Mondoloni, sot i ka vlerësuar skandaloze shkrimet e mediave serbe rreth zjarrit në Notre Dame, si një dënim për vendosjen e flamurit të Kosovës në atë katedrale në përvjetorin e fundit të Luftës së Parë Botërore.

Mondoloni u tha gazetarëve në Beograd se komentet negative e kishin prekur thellë dhe se ai i kishte mospërfillur ato.

“Për mua, kjo nuk është Serbia që kam njohur dhe dashur në 18 muajt e fundit sa jam këtu. Unë mendoj se njerëzit që e bëjnë këtë, duke pretenduar të mbrojnë vendin e tyre, në të vërtetë bëjnë dëm të madh”, porositi diplomati francez, transmeton kp, përcjell albinfo.ch.

Për raportimin e mediave serbe lidhur me incidentin në Paris, kanë shkruar edhe mediat gjermane.