Lajme
Arrestohen 64 aktivistë klimatikë, kishin bllokuar hyrjet e bankave UBS dhe CS
Demonstruesit në Cyrih dhe Bazel kishin kërkuar tërheqjen e menjëhershme të institucioneve financiare të Zvicrës nga tregtia me thëngjill, naftë dhe gaz
Policia ka thyer sot në Cyrih dhe në Bazel bllokadën që e kishin shkaktuar aktivistët në shenjë të mbrojtjes së klimës globale. Bëhet fjalë për rreth 120 aktivistë, të cilët kishin bllokuar hyrjet e dy bankave më të mëdha të Zvicrës, UBS dhe CS (Credit Suisse).
Në bllokadën e bërë në hyrjen e selisë kryesore të bankës Credit Suisse në Cyrih, sipas agjencisë së lajmeve Keystone-SDA kanë qenë të përfshirë rreth 70 aktivistë. Policia thotë se me rastin e shpërthimit të bllokadës ka arrestuar 64 persona, transmeton albinfo.ch.
Në Bazel, hyrje e ndërtesës së bankës UBS e kishin bllokuar rreth 50 aktivistë.
Sipas organizatës “Collective Climate Justice”, demonstruesit në Cyrih dhe Bazel kishin kërkuar tërheqjen e menjëhershme të institucioneve financiare të Zvicrës nga tregtia me thëngjill, naftë dhe gaz. Ata kanë fajësuar bankat e mëdha se po financojnë aksionet që dëmtojnë klimën.
Personeli i sigurisë në hyrje të selive të bankave të përmendura është befasuar sot në orën 6 e 45 të mëngjesit nga aktivistët klimatikë, përcjell albinfo.ch. Por, këta kanë qenë paqësorë. Vetëm kanë bllokuar hyrjet, duke u ulur aty dhe duke vendosur biçikleta dhe saksi me lule.
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea Një komitet i Këshillit Kombëtar miratoi një mocion të premten duke kërkuar që Zvicra të nënshkruajë...
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale