Kosova
Arrestohet Action Bronson
Reperi me prejardhje shqiptare, Action Bronson mbrëmë është arrestuar nga Policia e Kosovës, gjatë performancës së tij në festivalin “Sunny Hill” që është organizuar në Parkun e Gërmisë në Prishtinë.
Mirëpo, gjatë kësaj nate ka ndodhur edhe një incident, pasi që është arrestuar reperi me famë botërore Action Bronson, raporton IndeksOnline.
Bronson është arrestuar sepse ka ndezur një “joint” (marihuanë) në skenë dhe të njëjtën substancë e ka hedhur në drejtim të publikut, shkruajnë mediat vendore, përcjell albinfo.ch.
Pas pak minutash ka reaguar policia e Kosovës duke e arrestuar për ta dërguar në mbajtje.
Në një prononcim për “Indeksonline”, Zëvendës Kryeprokurori i Themelores, Ibrahim Berisha ka treguar se reperit Bronson nuk i është shqiptuar asnjë masë e ndalimit.
Sipas tij, prokurori kujdestar e ka informuar se nuk është vërtetuar që reperi në fjalë ka konsumuar ndonjë substancë narkotike.
“Sipas informacioneve që pranova nga prokurori kujdestar, reperit në fjalë nuk i është shqiptuar asnjë masë e ndalimit. I njëjti është intervistuar nga prokurori, por nuk është vërtetuar se bëhet fjalë për ndezje të ndonjë substance narkotike”, ka thënë numri dy i Themelores për Indeksonline.
Më tutje, ai ka treguar se Bronson pas intervistimit të prokurorit është liruar në procedurë të rregullt.
Festivali do të përmbyllet sonte, derisa ka filluar të premten kur ka performuar Dua Lipa, që ka ndezur publikun prishtinas.
Për këtë festival kanë shkruar edhe shumë media botërore, ndër to edhe MTV.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane