CH-Ballkani
Arrestohet serbi që tentoi ilegalisht të sjellë shqiptarë në Gjermani
Policia gjermane në Rosenheim e ka arrestuar të enjten një serb, i cili me veturën e tij është munduar të fusë paligjshëm në Gjermani disa persona nga Kosova dhe Shqipëria, kanë bërë të ditur autoritetet gjermane.
Sipas një komunikate për shtyp të policisë në Gjermani, vetura e serbit ishte ndalur prej policisë në pikën kufitare në afërsi të Kiefersfelden dhe gjatë kontrollimit të dokumenteve të tij, policia e kishte konstatuar se ai ishte i kërkuar prej autoriteteve shkaku i një dënimi të mëparshëm me gjobë, për trafikim.
“Gjatë kontrollimit të automjetit të tij, policët e kanë parë se bashkudhëtarët e tij, nga Shqipëria dhe Kosova, nuk plotësonin kushtet për të hyrë në Gjermani. Për shkak të dyshimeve për trafikim, të gjithë pasagjerët dhe shoferi janë dërguar një stacionin policor në Rosenheim”, është bërë e ditur nga policia, transmeton “Koha Ditore”, përcjell albinfo.ch.
Serbi, që edhe më parë kishte qenë i dënuar për trafikim, përballet me një aktakuzë të re për trafikimin e të huajve. Pasi që ai nuk ka mundur ta paguajë dënimin me gjobë, policia ia ka shqiptuar dënimin me rreth katër muaj burgim.
Bashkudhëtarëve të tij u është mohuar hyrja në Gjermani. Pas shqiptimit të masave policore, ata është dashur të largohen nga Gjermania.
Të ngjashme
Të tjera nga CH-Ballkani
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit