Lajme
Austri: Si ta vërtetoni që jeni shëruar nga Covid?
Krahas vaksinimit dhe testimit negativ, shërimi nga Covid ju jep gjithashtu të drejta të caktuara në programin e kartës së imunitetit të Austrisë.
Rihapja e Austrisë – e cila ndodhi më 19 maj – është shoqëruar nga e ashtuquajtura ‘Rregulli 3G’.
Rregulli 3G i referohet ‘Getestet, Geimpft, Genesen’ (Testuar, Vaksinuar, Shëruar) dhe përshkruan tre mënyrat se si dikush mund të sigurojë prova se janë imun ndaj virusit.
Kjo do të thotë se ata do të duhet të tregojnë prova të vaksinimit, një test negativ ose që janë rikuperuar kohët e fundit nga virusi në mënyrë që të marrin pjesë në shumicën e aktiviteteve të sapohapura.
Për njerëzit që kanë një certifikatë mjekësore, duke thënë se janë infektuar, kjo është relativisht e thjeshtë. Ju mund ta tregoni këtë për gjashtë muaj pas infektimit tuaj. Nëse nuk keni një certifikatë mjekësore që vërteton se jeni infektuar, mund të bëni një test të antitrupave. Në përgjithësi, kjo do të duhet të merret në një laborator privat, pasi qeveria nuk ka vendosur ndonjë formë të testimit të gjerë të antitrupave.
Gazeta Kurier e Austrisë raporton se testet e antitrupave kushtojnë afërsisht mes 25 dhe 40 euro në laboratorë privatë. Kompanitë që kryejnë teste të antitrupave janë inkurajuar nga qeveria të prodhojnë rezultate që lexohen lehtë, d.m.th. që thjesht thonë “pozitive” ose “antitrupa të gjetur”, përcjell albinfo.ch.
“Antitrupat jepen në njësi të BAU për mililitër, shkurt për lidhjen e njësive të antitrupave. Por ende nuk ka të dhëna për kuptimin e vlerës”, tha për Kurier mjeku i laboratorit, Helmuth Haslacher nga MedUni Vjenë.
Rezultatet e këtyre testeve janë të vlefshme për tre muaj, me kusht që rezultatet të tregojnë se keni pasur virus. Sipas qeverisë austriake, atëherë ju lejohet të kryeni përsëri një test pasi të ketë mbaruar periudha tremujore, përcjell tutje albinfo.ch.
Të ngjashme
Të tjera nga Lajme
E-Diaspora
-
Vjenë
Vjenë: Kori Siparantum edhe me një paraqitje në skenën prestigjioze Bëhet e ditur se kori Siparantum është shndërruar një prej përfaqësimeve më dinjitoze të Kosovës, përcjell...
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
Jeta në Zvicër
-
Mentor Latifi është emëruar ambasador i ri i Kosovës në Zvicër Presidentja e vendit, Vjosa Osmani, i ka uruar suksese në detyrën e tij, gjersa është shprehur...
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit