Lajme
Austria dyfishon kontrollin e kufijve me Ballkanin: Vendos 1800 policë në lindje
Kurz ka njoftuar se kontrollet kufitare në lindje do të dyfishohen. "Në veçanti, kontrollohen të kthyerit nga Ballkani". 1.800 policë do të vendosen në kufijt përkatës
Për shkak të rritjes së numrit të infeksioneve me koronavirus, të shkaktuara nga të kthyerit nga jashtë, qeveria austriake ka vendosur paralajmërime të mëtejshme të udhëtimit dhe njëkhësisht shtrëngon kontrollet kufitare në lindje të vendit. Qeveria këshillon fuqimisht kundër udhëtimeve në Rumani, Bullgari dhe Republikën e Moldavisë, ka thënë sot kancelari Sebastian Kurz në konferencën pe¨r media pas mbledhjes së Këshillit të Ministrave, shkruan m.oe24.at.
Në Ballkan, për fat të keq është përkeqësuar situata në lidhje me Covid-19 dhe ka gjithnjë e më shumë raste të infeksioneve të sjella nga vendet lindore në Austri. “Ne po përjetojmë gjithnjë e më shumë raste të ardhjes së virusit nga jashtë. Kjo është arsyeja pse kemi bërë një apel urgjent për të mos udhëtuar në këto vende” ka thënë Kurz, transmeton albinfo.ch.
Detyrimi për karantinë 14 ditore ende vlen për të kthyerit nga vendet për të cilat ekziston një paralajmërim udhëtimi. Kushdo që e shkel këtë nuk është duke bërë një vepër të parëndësishme, por një shkelje e rëndë dhe rrezikon gjobë deri në 1.450 euro. Kancelari paralajmëroi se ata që kanë rezultuar pozitiv në testin për Covid dhe që shkelin karantinën po kryejnë një vepër penale kështu që do të përballen me dënime dukshëm më të rënda.
Kurz ka njoftuar gjithashtu se do të ketë kontrolle më të rrepta mbi dispozitat e vendosura dhe kontrollet kufitare në lindje do të dyfishohen. “Në veçanti, kontrollohen të kthyerit nga Ballkani”, transmeton albinfo.ch. 1.800 policë do të vendosen në kufijt përkatës.
Ministri Schallenberg: vendet përkatëse janë informuar paraprakisht
Paralajmërimet e udhëtimit janë efektive menjëherë, ndërsa rregullat e rrepta për hyrjen hyjnë në fuqi nesër, të enjtne, ka thënë ministri i Jashtëm Alexander Schallenberg. Asnjë gjë nuk do të ndryshojë në të vërtetë për Republikën e Moldavisë, pasi rregullat kufizuese të vendit të tretë janë zbatuara tashmë për këtë vend. Ai tashmë ka informuar, të martën, homologët e tij në të tre vendet e përmendura
Të ngjashme
Të tjera nga Lajme
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane