Lajme
Austria, interes gjeopolitik dhe ekonomik në Shqipëri
Presidenti Federal i Austrisë, Alexander Van der Bellen, përfundoi vizitën e tij dyditore në Shqipëri. Ai u prit në Tiranë nga homologu i tij, Bajram Begaj, të cilit Van der Bellen ia theksoi edhe një herë mbështetjen e Austrisë. “Inkurajojmë Shqipërinë të kryejë reforma në sektorë që lidhen me sundimin e ligjit, të drejtat themelore dhe drejtësinë e pavarur, që janë çështje thelbësore në fokus të metodologjisë së re të zgjerimit, Austria ka mbështetur reformën në drejtësi në Shqipëri dhe do të vazhdojë bashkëpunimin në forcimin e shtetit të së drejtës”, tha ai, përcjell albinfo.ch.
Presidentit Federal, Alexander Van der Bellen, mori pjesë edhe në Forumin ekonomik të biznesit austriak të mbajtur mbrëmjen e së hënës në Tiranë. Aty pjesëmarrës ishte një delegacion prej më shumë se 20 kompanish dhe sipërmarrësish austriakë. Interesat ekonomike të biznesit austriak, të shprehura në forumin e sipërpërmendur, u fokusuan në energjitë e rinovueshme, infrastrukturë dhe turizmin. “Vitet e fundit ka rritje në flukset hyrëse të investimeve të drejtpërdrejta të kapitalit austriak në Shqipëri, duke e vendosur Austrinë në vendin e partnerit të 6-të, më të rëndësishëm për Shqipërinë”, tha Presidenti Begaj në fjalën e tij në këtë forum, shkruan DW, përcjell albinfo.ch.
Investimet e Austrisë në Shqipëri kapin shifrën e 485 milionë euro. “Më shumë se 50 biznese austriake operojnë në Shqipëri. Çështja kryesore e Forumit ekonomik të biznesit austriak është zhvillimi i bashkëpunimit në energjinë e rinovueshme dhe infrastrukturën miqësore me mjedisin. Jemi këtu për të ofruar ekspertizën tonë në interes të përbashkët”, u shpreh Van der Bellen, raporton DW, përcjell albinfo.ch.
Të martën presidenti Van der Bellen udhëtoi drejt Maqedonisë së Veriut.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Bie numri i sulmeve në bankomatë Numri i sulmeve ndaj bankomateve në Zvicër pothuajse është përgjysmuar brenda një viti. Policia federale regjistroi...
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë