Shqipëria
Austria mbështet Shqipërinë në rrugën e integrimeve evropiane
Kryetarja e Komisionit parlamentar për Politikën e Jashtme, Mimi Kodheli, priti në selinë e Kuvendit ambasadorin e Jashtëzakonshëm dhe Fuqiplotë të Austrisë, Christian Steiner.
Gjatë takimit ambasadori austriak, pasi e uroi Kodhelin për riemërimin e saj në postin e kryetares së Komisionit për Politikën e Jashtme dhe atë të zëvendëspresidentes së Asamblesë Parlamentare të NATO-s, vlerësoi marrëdhëniet shumë të mira që ekzistojnë në të gjitha aspektet midis Austrisë dhe Shqipërisë.
“Këto marrëdhënie dëshmohen nga niveli i lartë i kontakteve politike, si edhe nga bashkëpunimi i ngushtë në fusha të ndryshme”, tha Steiner, transmeton Atsh, përcjell Albinfo.ch.
Ambasadori Steiner përmendi kontributin e Austrisë në një sërë drejtimesh e projektesh, si në atë të reformës në drejtësi (përfshirë procesin e Vetingut), në mbrojtjen e të dhënave, menaxhimin e ujërave, shëndetësi, edukim etj.
Ambasadori Steiner theksoi gjithashtu mbështetjen e plotë të Austrisë sa u përket proceseve integruese të Shqipërisë në BE dhe veçanërisht hapjes sa më parë të negociatave.
Kodheli falënderoi Ambasadorin Steiner për mbështetjen që Austria i ka dhënë e vazhdon t’i japë Shqipërisë në rrugën e saj të demokratizimit dhe integrimit evropian.
Më tej ajo bëri një prezantim të situatës në vendet e Ballkanit Perëndimor, duke theksuar rëndësinë e integrimit të tij sa më të shpejtë në BE.
Kryetarja e Komisionit të Jashtëm theksoi se intensifikimi i këtyre proceseve ka një rëndësi jetike jo vetëm për vendet e rajonit, por edhe për vetë paqen dhe sigurinë e tërë hapësirës së Bashkimit Evropian.
Gjatë takimit bashkëbiseduesit folën gjithashtu edhe mbi çështje të bashkëpunimit ndërparlamentar midis të dy vendeve.
E-Diaspora
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht Qeveria e Kosovës ka miratuar me kërkesë të komunës së Dragashit, Prishtinës, Prizrenit, Drenasit, Fushë Kosovës,...
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
-
Humb jetën tragjikisht 22-vjeçari shqiptar në këtë shtet
-
Vildane Rexhepi, menaxhere prokurimi në IT-në e bankës UBS
Jeta në Zvicër
-
Rrëshqitja e dheut në Schwanden: Komuniteti po shkatërron 15 ndërtesa Pas rrëshqitjeve shkatërruese të dheut në Schwanden gushtin e vitit të kaluar, 15 ndërtesa të dëmtuara...
-
Qyteti kundër kantonit në Cyrih: Mosmarrëveshja ligjore mbi Rosengartenstrasse përshkallëzohet
-
Gati gjysma e specieve të bletëve zvicerane në “listën e kuqe” të rrezikut të ekzistencës
-
Pritet trafik i rënduar në rrugët e Zvicrës këtë fundjavë
-
Vildane Rexhepi, menaxhere prokurimi në IT-në e bankës UBS