Banorët braktisin Durrësin, fluks i madh në Stacionin e trenit

Duket se për shumë banorë të Durrësit, ky qytet nuk është më i sigurt për të jetuar.

Pas ikjes masive të njerëzve pasditen e së enjtes e në ditët që vijuan, edhe mëngjesin e kësaj të premteje në Stacionin e trenit ka shumë njerëz që kanë vendosur të largohen drejt zonave të tjera të vendit.

Frika për shumë prej tyre nuk ka kaluar ende.

Ndërkohë agjencitë e udhëtimit që nga dita e tërmetit janë përballuar me fluks të jashtëzakonshëm kërkesash për të udhëtuar jashtë vendit.

Banorët që janë akoma në Durrës tregojnë se shumica e atyre që janë larguar kanë zgjedhur të strehohen në Pogradec, Korçë, Gramsh, Cërrik dhe Peqin, përcjell albinfo.ch.

LAJME INTERESANTE NGA INTERNETI