Basha: Opozita nuk kthehet më pas

Keystone EPA/MALTON DIBRA

Kryetari i Partisë Demokratike, Lulzim Basha, deklaroi se opozita nuk ka për të ndalur aksionin e saj politik që ka për qëllim vendosjen e sistemit demokratik.

Ai theksoi se nuk do të ketë kthim pas në kërkesat e saj, ndërsa akuzoi Qeverinë se është e kapur nga krimi.

Opozita në Shqipëri tash e disa kohë ka organizuar protesta me kërkesën për rrëzimin e Qeverisë Rama dhe krijimin e një qeverie transitore deri në zgjedhjet e ardhshme.

“Në Evropë nuk shkohet me gënjeshtra, nuk shkohet me hile, nuk shkohet me një shtet të kapur nga krimi. Shkohet me vlera, me të vërteta, me një shtet të çliruar nga keqqeverisja në bashkëpunim me krimin dhe me një Parlament të zgjedhur nga vota e qytetarëve shqiptarë. Dalja e opozitës është pa kthim, kriza politike është reale”, theksoi Basha.