Bota

Bastisen organizatat islamike në Duesseldorf

Policia gjermane bastisi disa organizata islamike që dyshohet se financuan grupin militant Hamas, që është në listën e zezë të Bashkimit Evropian.

Cak i këtyre bastisjeve ishin ‘WorldWide Resistance – Help’ dhe ‘Ansaar Internacional’, të cilat besohet se mblodhën fonde për grupin palestinez që kontrollon Rripin e Gazës.

Në faqet e zyrtare, këto organizata thonë se mbledhin donacione për njerëzit në Gaza, Somali dhe Siri.

Ministria e Brendshme gjermane deklaroi se dy organizatat përkrahën Hamasin nëpërmjet  fushatave propaganduese.