Koronavirusi: çast pas çasti
BE-ja i dhuron Kosovës pjesën e tretë të pajisjeve mjekësore
Zyra e Bashkimit Evropian në Kosovë i dorëzoi të premten Ministrisë së Shëndetësisë në Kosovë dhjetë auto-ambulanca, 100 shtretër spitalorë dhe pajisje të tjera mjekësore, të cilat përfshijnë 150 pompa infuzioni, 127 monitorues të pacientëve dhe 7,000 litra substancë dezinfektuese të duarve.
“Vlera totale e këtij donacioni është 1.17 milion euro dhe është pjesë e ndihmës së BE-së për Kosovën, për t’u marrë me pandeminë e [sëmundjes që shkakton koronavirusi] COVID-19”, thuhet në njoftimin për media të Zyrës së BE-së.
Në prill dhe maj Bashkimi Evropian ka dërguar edhe disa furnizime të tjera në Kosovë, përfshirë: doreza, maska, syza, dezinfektues e të tjera.
“Jam e lumtur që kemi një shpërndarje tjetër të pajisjeve mjekësore në sektorin e shëndetësisë në Kosovë, të cilat jemi të sigurt se do t’iu shërbejnë qytetarëve në Kosovë si gjatë pandemisë COVID-19, ashtu edhe në vitet në vazhdim”, tha të premten Nataliya Apostolova, shefe e Zyrës së BE-së dhe përfaqësuese e posaçme e BE-së në Kosovë.
“Brenda disa javëve të ardhshme, ne gjithashtu presim të ofrojmë 30 ventilatorë të njësisë së kujdesit intensiv, pajisje shtesë mjekësore, më shumë shtretër spitalorë dhe 6,000 teste për COVID-19, me të cilat do të përmbyllen dërgesat e planifikuara të pajisjeve mjekësore, në vlerë prej 5 milionë eurosh, të dhuruara nga Bashkimi Evropian”, tha Apostolova.
Ajo i lavdëroi autoritetet e Kosovës, stafin mjekësor dhe stafin laboratorik për punën gjatë pandemisë.
Në Kosovë janë konfirmuar gjithsej 1,147 raste me koronavirus.
Prej tyre, 874 janë shëruar dhe 30 kanë vdekur.
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Zvicër
-
A mund të marr nënshtetësinë zvicerane dhe të lëviz menjëherë jashtë vendit? Shumica e njerëzve aplikojnë për natyralizim zviceran me synimin për të mbetur në vend. Por çfarë...
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in
-
Cili qytet në Zvicër ka më shumë gjasa të presë Eurovision 2025?
-
Shefi i Lufthansa-s: SWISS është “flamurtari” i grupit të linjës ajrore