Lajme
BE kërkon reduktim të energjisë në kohën e pikut
Konsumi i energjisë elektrike në orët e pikut duhet të reduktohet me të paktën 5%.
Presidentja e Komisionin Europian Ursula von der Leyen ka bërë thirrje për reduktim të përdorimit të energjisë elektrike në të gjithë bllokun dhe vendosjen e taksave për kompanitë e energjisë për të trajtuar çmimet e larta.
Ajo i tha Parlamentit Europian se çmimet e gazit dhe energjisë elektrike kishin arritur nivelet më të larta të të gjitha kohërave pas pushtimit të Ukrainës nga Rusia.
Ajo bëri thirrje që konsumi i energjisë elektrike në orët e pikut të reduktohet me të paktën 5%.
Plani i publikuar në Strasburg që synon “të ardhurat e tepërta” përfshin propozime për të pakësuar fitimet e prodhuesve të energjisë elektrike me karbon të ulët dhe për të implementuar një taksë të papritur ‘de facto’ në sektorët e naftës, gazit dhe qymyrit.
“Në këto kohë është e gabuar të fitosh të ardhura dhe fitime të jashtëzakonshme rekord duke përfituar nga lufta dhe në kurrizin e konsumatorëve tanë,” argumentoi ajo.
Paratë e mbledhura, vlerësohen në 140 miliardë euro (121 miliardë £; 141 miliardë dollarë), do të shkojnë për familjet dhe bizneset në 27 shtetet anëtare të Bashkimit Europian.
Shtetet anëtare të BE-së do të shqyrtojnë propozimet me shpresën për një marrëveshje deri në fund të këtij muaji.
Von der Leyen njoftoi gjithashtu se do të vizitonte sërish Ukrainën duke deklaruar se “Solidariteti i Europës me Ukrainën do të mbetet i palëkundur”.
Bashkëshortja e Zelensky, Olena, ishte në parlament si e ftuar nderi për të dëgjuar fjalimin./ BBC
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse