Bota

‘Becoming’, i Michelle Obama libri i vitit në SHBA dhe Kanada

Libri ‘Becoming’ i ish-zonjës së parë amerikane, Michelle Obama, është bërë libri më i shitur këtë vit në SHBA, vetëm 15 ditë pas botimit. Ajo ka shitur më shumë se dy milionë kopje në SHBA dhe Kanada. 

Shtëpia botuese ‘Penguin Random House’ ka bërë të ditur se libri është bestseller edhe në shumë vende të tjera, duke përfshirë Australinë, Mbretërinë e Bashkuar, Francën, Gjermaninë, Korenë dhe Afrikën e Jugut. Libri flet për jetën personale të familjes Obama para, gjatë dhe pas kohës së tyre në Shtëpinë e Bardhë, përcjell albinfo.ch

Në libër, 54-vjeçarja Michelle kritikon presidentin aktual amerikan, Donald Trump.