Lajme

Belgjikë: Shkatërrohet pajisje anti-COVID në vlerë 131 milionë euro

E diel, 23 Korrik 2023 - 18:55 albinfo.ch
(KEYSTONE/Christian Beutler)

Belgjikës do t’i duhet të shkatërrojë së shpejti pajisje mjekësore dhe vaksina me vlerë 131 milionë euro, pasi ato kanë skaduar dhe nuk janë më të përdorshme, raporton “Brussels Times”.

Në një kohë kur vaksinat kundër COVID-it ishin shumë të kërkuara, qeveria tranzitore belge bëri një përpjekje shtesë për të gjetur pajisje anti-COVID, duke blerë gjithçka që ishte në dispozicion.

Një sasi e madhe pajisjesh është blerë, megjithatë, një pjesë e këtij materiali duhet të shkatërrohet – vaksinat, testet, reagentët, kanë skaduar, ndërsa maskat FFP2 nuk përmbushin më standardet.

“Në një kohë të një krize të paprecedentë shëndetësore për shkak të pasigurisë së madhe, qeveria duhet të bëjë gjithçka për të mbrojtur popullin e saj. Kjo është arsyeja pse në valën e parë të pandemisë ne blemë masivisht pajisje mjekësore. Tani duhet të shkatërrojmë tepricën e atyre pajisjeve, sepse kanë skaduar”, tha ministri i Shëndetësisë, Frank Fanderbrooke.

Vlerësohet se do të asgjësohen 131 milionë euro vaksina dhe shkatërrimi i tyre do t’i kushtojë qeverisë belge 310 mijë euro shtesë./Euronews

 Të tjera nga Lajme

Baume-Schneider, kritike për pagat e larta të sigurimeve shëndetësore

 E-Diaspora

 Jeta në Zvicër