Lajme
Bendrit Bajra dënohet me kusht dhe i merret për dy vjet patentëshoferi
Përveç dënimit me burgim me kusht për 12 muaj, humoristi Bendrit Bajra duhet të heqë dorë nga patentëshoferi për dy vjet
Gjykata e Qarkut e Dietikonit (Kantoni i Cyrihut) ka dënuar të mërkurën me dymbëdhjetë muaj burgim me kusht ish-humoristin e rrjeteve sociale, Bendrit Bajra, transmeton albinfo.ch. Më tutje, 27-vjeçarit i është shqiptuar një gjobë prej 100 tarifash ditore prej 130 frangash.
Gjykata e ka dënuar atë për dy kundërvajtje trafiku dhe për mosrespektimin e një termini në shërbimin civil, shkruan agjencia e lajmeve sda.ch. Mirëpo, për dënimin me burgim me kusht kanë qenë vendimtare kundërvajtjet e trafikut, të cilat mund të kishin shkaktuar vdekje dhe lëndime.
Me dënimin e sotëm, Bajra duhet të heqë dorë nga patentë shoferi për dy vjet.
Në rastin e parë në prill të vitit 2016, dyshtetasi zviceran-shqiptar kishte marrë timonin nga karrigeja e pasagjerit në autostradën A1, por duke e mbajtur vetëm me njërën dorë. Me dorën e dytë ai mbante telefonin për të filmuar atë që po bënte, përcjell albinfo.ch. Ndërkohë, shoferi kishte kaluar në ulësen e pasme.
Në incidentin e dytë, po në prill të vitit 2016, Bajra ishte duke vozitur mbrapa një kolegu në autostradë. Ai qe ngritur disa herë nga ulësja e shoferit për të nxjerrë kokën nga dritarja. Bajra po ashtu e ka filmuar skenën dhe e ka komentuar në rrjetet sociale.
Shumica e mediave të Zvicrës gjermane i kanë dhënë publicitet të madh dënimit të humoristit të njohur të rrjeteve sociale. Disa prej tyre madje kanë bërë ndjekjen online të procesit gjyqësor ndaj tij, që u zhvillua sot.
Bajra ishte bërë i njohur për pasqyrimin përmes humorit, të sjelljeve tipike të zviceranëve dhe të të huajve, në veçanti, të shqiptarëve dhe ballkanasve të tjerë, duke vënë në lojë stereotipet dhe klishetë që qarkullojnë lidhur me këto sjellje.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?