Lajme
Bie prapë çmimi i naftës, shkaku i pandemisë
Duket se pandemia ka penguar aktivitetin ekonomik dhe kështu, edhe kërkesën për naftë. Importet japoneze të naftës ranë në nivelin e tyre më të ulët në gati tri dekada në maj. Japonia është blerësi i katërt më i madh i naftës në botë, përcjell albinfo.ch.
Sipas Reuters, çmimet e naftës ranë në 40 dollarë në tregjet ndërkombëtare, për shkak të rasteve të reja me koronavirus, të cilat lanë në plan të dytë premtimet për rezultate pozitive të testit të ilaçeve kundër kësaj sëmundjeje.
Po ashtu, në tregun e Londrës çmimi i një fuçie nafte ra me 61 centë në krahasim me mbylljen e mëparshme, ose 40.35 dollarë. Në tregun amerikan, një fuçi u tregtua me 74 centë më pak, ose 37.64 dollarë.
Sipas artikullit të Reuters, thuhet se mbështetja e çmimeve sigurohet nga raportet e mediave që kabineti i presidentit të SHBA-së, Donald Trump, është duke përgatitur një paketë masash prej një trilion dollarësh që parashikon ndërtimin e infrastrukturës për të forcuar ekonominë në kohën e krizës së koronavirusit.
Tregtarët gjithashtu kanë frikë nga përshkallëzimi i tensioneve në Gadishullin Korean, pasi që Koreja e Veriut refuzoi një ofertë nga fqinji i saj jugor për të dërguar një emisar special dhe njoftuan dërgimin e trupave në zonën kufitare të demilitarizuar.
Tendenca në rënie e çmimeve mbizotëroi për shkak të rasteve të reja të infeksionit koronavirus. Kështu, Pekini anuloi fluturime të shumta dhe mbylli shkollat, në mënyrë që të ndalonte përhapjen e virusit në valën e re të epidemisë, e cila përsëri shtyu në ballë shqetësimet për kërkesën për energji.
Pritjet e drejtuesve të kompanive aziatike ranë në tremujorin e dytë në nivelin më të ulët në 11 vjet, sipas studimit të Reuters dhe INSEAD. Dy të tretat e të anketuarve besojnë se rreziku më i keq në gjashtë muajt e ardhshëm do të jetë përkeqësimi i pandemisë COVID 19.
Analistët nga Standard Chartered paralajmërojnë për rrezikun e rënies së çmimeve në planin afatmesëm, ndërsa lajm i mirë është se rezultatet e provave klinike kanë treguar që Deksametazoni kortikosteroid uli shkallën e vdekjes me një të tretën ndër të prekurit nga COVID-19, sipas Reuters.
Të ngjashme
Të tjera nga Lajme
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët