Lajme
Drejt rekordit të ri për kërkesën globale të naftës në vitin 2023
Agjencia Ndërkombëtare e Energjisë ka parashikuar rritje të kërkesës globale për naftë në vitin 2023, e cila është në rrugën e saj drejt “nivelit më të lartë të regjistruar”, në 102.2 milionë fuçi në ditë, raporton RTS, përcjell albinfo.ch.
Sipas raportit mujor të agjencisë, pa pritur kërkesa globale për naftë ka arritur tashmë një rekord prej 103 milionë fuçi në ditë (mb/d) në qershor dhe gusht mund të përjetojë një kulm të ri.
“Kërkesa globale për naftë është në nivele rekord, e nxitur nga udhëtimi ajror gjatë verës, rritja e përdorimit të naftës (karburantit) në prodhimin e energjisë dhe rritja e aktivitetit petrokimik kinez”, thotë IEA.
Për gjithë vitin “kërkesa globale për naftë pritet të rritet me 2.2 milionë fuçi (mb/d) në ditë” nga viti 2022 “për të arritur në 102.2 mb/d në vitin 2023, ku Kina përfaqëson më shumë se 70% të rritjes”, specifikon agjencia.
Sipas njoftimit, ky është niveli i tij më i lartë vjetor i regjistruar ndonjëherë, teksa në muajin shkurt u parashikua një rekord për vitin aktual, prej 101.9 milionë fuçi në ditë, pas 99.9 mb / d në 2022 dhe 97.6 mb / d në 2021.
Rënia e furnizimit
Etja për naftë vjen mes tregjeve të ngushta pasi “oferta globale e naftës ra me 910 mijë fuçi në ditë në 100.9 mb/d në korrik. Një ulje e mprehtë e prodhimit saudit në korrik bëri që prodhimi në bllokun OPEC+ të bjerë me 1.2 fuçi në ditë në 50.7 mb. /d, ndërsa vëllimet jashtë OPEC+ u rritën me 310 mijë fuçi në ditë në 50.2 mb/d”, detajon agjencia.
Ndërkohë që botës i kërkohet të zvogëlojë konsumin e lëndëve djegëse fosile, të cilat janë të dëmshme për klimën, në mënyrë që të kufizojë ngrohjen globale në +1,5°c në krahasim me epokën para-industriale, IEA pret që për vitin 2024 të ngadalësohet në rritjen e kërkesës për naftë.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse