Lajme

Bie prodhimi i mjaltit në Zvicër

Pranvera e shkurtër dhe vera e lagësht do të thotë që bletët zvicerane kanë prodhuar dhjetë herë më pak mjaltë se zakonisht.

Si rezultat, çmimi i mjaltit është rritur. Pas korrjes së jashtëzakonshme të vitit të kaluar, 2021 po duket shumë i varfër: ndërsa një koshere normalisht prodhon 15-20 kg mjaltë, shifra aktuale është 0-3 kilogramë, raportoi radioja publike zvicerane, RTS, të enjten, përcjell albinfo.ch.

“Mungesa e mjaltit është kryesisht për shkak të motit, i cili ka qenë shumë i pafavorshëm, si për korrjen e parë në pranverë, ashtu edhe për korrjen e dytë”, i tha RTS Francis Saucy, presidenti i Shoqërisë së Bletarisë të Zvicrës Frëngjishtfolëse.

Mjalti zviceran do të jetë i vështirë për t’u gjetur në raftet e dyqaneve, dhe disa kavanoza që do të shiten do të jenë të shtrenjtë. Sipas specialistëve të cituar nga RTS, mjalti do të kushtojë 25-30 franga për kilogram, përcjell tutje albinfo.ch.