Integrimi
BISH dhe UBISHZ urojnë besimtarët myslimanë për muajin e Ramazanit
Unioni i Bashkësive Islame Shqiptare dhe Bashkësia Islame Shqiptare në Zvicër kanë uruar besimtarëve myslimanë që jetojnë në ardhjen e muajit të Ramazanit.
“Unioni i Bashkësive Islame Shqiptare dhe Bashkësia Islame Shqiptare në Zvicër njoftojnë besimtarët myslimanë se dita e parë e muajit të bekuar të Ramazanit është ditën e hënë, më 06.05.2019, ndërsa namazi i parë i taravisë falet në mbrëmjen e së dielës, më 05.05.2019.
BISH dhe UBISHZ me këtë rast u urojnë të gjithë besimtarëve myslimanë që jetojnë në Zvicër ardhjen e muajit të Ramazanit, duke e lutur All-llahun e Lartë që netët dhe ditët e tij të jenë plotë fetarësi, gjallëri, mirësi, harmoni, tolerancë dhe dashuri të ndërsjellë”, thuhet në urimin e tyre.
Ata gjithashtu kanë thënë se Ramazani paraqet një mundësi të madhe jetësore për secilin besimtar, pasi që në këtë muaj ai e hap zemrën e tij për të depërtuar në të drita e besimit dhe e fesë; drita e dijes dhe e vetëkontrollit. Në Ramazan është forca jonë, është lidhja jonë më e madhe me Zotin dhe me botën, me njeriun, me familjen dhe me shoqërinë, përcjell albinfo.ch.
“Ne lutemi që ky muaj i bekuar të jetë një muaj i lehtë dhe i begatë për të gjithë ata që do ta kalojnë me ibadet, me vepra të mira dhe që do të gjejnë mundësinë për t’u përmirësuar dhe për t’u bërë më të mirë. Le të sjell ky Ramazan paqen dhe sigurinë midis nesh, midis xhemateve tona dhe te të gjithë njerëzit në botë. Magfireti, mëshira dhe falja e All-llahut Fuqiplotë qofshin mbi të gjithë ju”!
Të ngjashme
Të tjera nga Integrimi
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit