Lajme

Bledar Kola anulon garën, gatuan për qytetarët e Bubqit

“The Grand Gelinaz Shuffle” është gara e madhe e gastronomisë që po zhvillohet në 138 restorante të botës, e në këtë garë ishte futur edhe restoranti “Mullixhiu” në Tiranë, me shef kuzhine Bledar Kola, shkruan KultPlus.

Bledar Kola kishte konfirmuar më herët për KultPlus se në këtë ngjarje të madhe do të performojnë 148 kuzhinierë, ku do të tregojnë sekretet e tyre në këtë ngjarje prestigjioze, dhe është hera e parë që Shqipëria ishte futur në këtë spektakël të gastronomisë.

Përderisa gara po zhvillohet nga kuzhinierët e tjerë të njohur botërorë, stafi i restorantit “Mullixhiu” në Tiranë, Bledar Kola, bashkë me stafin e tij sot kanë gatuar në fshatin Bubq, një ndër fshatrat më të goditur nga tërmeti i fundit në Shqipëri.

Edhe një ndër shefat më të njohur në nivel botëror, José Andrés, ka mbështetur Kolën për këtë iniciativë, i cili në Twitter ka njoftuar se Bledar Kola është duke gatuar për të atakuarit nga tërmeti, përcjell albinfo.ch.

“Me stafin e restorant “Mullixhiiu”, te cilet kane ardhur ne Bubq tani dhe kemi vendosur te qe kthejme qendron tone te vullnetareve ne nje “super-restorant” per banoret e gjithe kesaj zone. Qellimi eshte, ushqim te ngrohte ne cdo shtepi.
Nga e majta ne te djathte:
Nikolin Kola-“RRNO Fondation”
Entiana Osmenzeza-Nje nga kuzhineret me te mira ne Itali
Aulon Kalaja
Mattias Haupt-Fotoreporter nga Gjermania
Bledar Kola-Eestorant “Mullixhiu”
Alban Laci-E-Korrier
Nertil Gedaj-Kushinier
(Me heret ky staf ka sherbyer ne Thumane, tek ditet e para te katastrofes. Nderkohe qe prisnin te organizonin nje event nderkombetar me 163 restorante nga e gjithe bota, vendosen t’a anulonin dhe t’i pergjigjeshin fatkeqesise natyrore)”, ka shkruar Bledar Kola në facebook.