Boks dhe mundje

Boksieri shqiptar, sfidon francezin për titullin e WBF-së

Boksieri shqiptar, Mikel Hodaj, është gati të bëjë hapin e madh në karrierë. 20-vjeçari Hodaj po stërvitet në Francë, pasi më 14 qershor do të ketë një ndeshje mjaft të rëndësishme përballë boksierit francez, Ali Yammouni, në garë për titullin “International WBF”. 

Hodaj thotë se e di që kundërshtari i tij është i fortë, por synimi i tij është vetëm fitorja. ”Jam në prag të një ndeshje mjaft të rëndësishme për titullin “International WBF”. Shpresoj që të jetë një përballje e bukur nga të dy palët. Kam disa muaj që përgatitem për këtë ndeshje dhe ndihem në një formë shumë të mirë”, ka thënë Hodaj në prononcimin e tij për mediat franceze, përcjell albinfo.ch.

Për 20-vjeçarin shqiptar kjo do të jetë ndeshja e 6-të në boksin profesionist që ka 5 fitore dhe asnjë humbje.