Lajme
Botohet në gjermanisht libri “Unë kam vrarë” i autores shqiptare, Eni Vasili
Përkthimin e librit e ka bërë albanologu dhe gjermanisti i njiohur nga Zvicra, Prof. Dr. Basil Schader
Albanologu dhe gjermanisti i njohur nga Zvicra, profesori universitar në pension, Basil Schader, është një emër shumë i njohur dhe i respektuar në komunitetin shqiptar të Zvicrës. Krahas angazhimit të tij shumëvjeçar për përpilimin e teksteve mësimore për nxënësit e mësimit plotësues në gjuhën shqipe në Zvicër, ai merret edhe me përkthime letrare dhe publicistike nga shqipja në gjermanishte, shkruan albinfo.ch
Përkthimi më i ri i tij, i botuar së fundi është ai i librit “Unë kam vrarë” (Ich habe getötet) të gazetares së njohur nga Tirana, Eni Vasili.
Në vazhdim, disa fjalë të botuesit të librit, Wieser Verlag.
“Unë kam vrarë” e Eni Vasilit është një libër shumë autentik që bën fjalë për shpërfilljen e grave dhe vajzave, për një gjyqësor dhe politikë të dominuar nga meshkujt dhe shpesh të korruptuar. Është një libër për vuajtjet e grave që ishin viktima të torturuesve të tyre për vite të tëra dhe “shpëtonin veten” përmes vrasjeve, për t’u bërë sërish viktima si rezultat: viktima të një sistemi drejtësie më se të dyshimtë. “Unë kam vrarë” është, siç thotë autorja, një libër realiteti që rrëfen jetën e familjes shqiptare në lakuriqësinë e shqetësimeve, problemeve dhe plagëve të saj të papërshkrueshme. Shqipëria është vendi ku janë realizuar dhjetë intervista prekëse dhe të frikshme, të thelluara, nga një burg i grave. Megjithatë, nuk ka dyshim se fenomene dhe tragjedi të ngjashme ndodhin në shumë vende dhe shoqëri të tjera. Asgjë nuk do të ishte më e gabuar dhe më komode sesa librin “Unë kam vrarë” të konsideronim si një libër unik vetëm për Shqipërinë.
Librin e ka botuar shtëpia botuese austriake Wieser Verlag. Ai mund të gjendet në rrjetin e librarive “Ex Libris”, “Buchhaus” etj., si dhe me porosi në Amazon, Googlebooks etj.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Zvicër: Një burrë plagos disa persona në Zofingen Sot pasdite rreth orws 16:00, policia zvicerane ka marrë një raport për sulmin, sipas policisë kantonale...
-
Kompanitë e sigurimeve shëndetësore duhet të paguajnë për syzet, me paratë e taksave
-
Wiedikon: Vendasit, të indinjuar me qiratë e larta
-
Gjendet viktima e fundit e ortekut të prillit
-
Rritet numri i pasagjerëve në transportin publik të Gjenevës