Brexit, votohet projektligji për ta bllokuar daljen pa marrëveshje

Projektligji detyron kryeministrin të kërkojë një zgjatje përtej afatit të 31 tetorit për Brexit nëse një marrëveshje nuk është dakorduar me BE-në

Deputetët britanikë kanë mbështetur një projektligj për të bllokuar daljen nga BE-ja pa marrëveshje, e cila mund të shtyjë kryeministrin Boris Johnson të kërkojë zgjedhje të përgjithshme.

Deputetët e opozitës dhe rebelët nga Tory siguruan që projektligji të miratohet me 327 vota për dhe 299 kundër. Projektligji detyron kryeministrin të kërkojë një zgjatje përtej afatit të 31 tetorit për Brexit nëse një marrëveshje nuk është dakorduar me BE-në.

Por Johnson ka paralajmëruar se ai do të nxiste një votim të menjëhershëm për zgjedhje të parakohshme të përgjithshme nëse ajo kalon. Deputetët votuan gjithashtu për ndryshimet në projektligj – të paraqitura nga deputetët, por të zgjedhura nga kryeparlamentari, përcjell Albinfo.ch.

---