Integrimi
Bullakaj nuk arrin të bëhet deputet, por zë vendin e parë plotësues
I treti për nga numri i votave (14 mijë e 983 sosh) ka qenë pikërisht Arbër Bullakaj. Në këto rrethana, ai zë vendin plotësues ose "rezervë" që e praktikojnë të gjitha partitë parlamentare
Albinfo.ch i ka përcjellë dhe promovuar në vazhdimësi kandidatët me rrënjë shqiptare në zgjedhjet për Parlamentin e Zvicrës. Këtë vazhdon ta bëjë edhe tani.
Nga rezultatet që deri tani janë shpallur, ende nuk dihet nëse ndonjëri nga ta është zgjedhur. Por, Arbër Bullakaj ka njoftuar përmes një postimi në Facebook se votat e grumbulluara nuk i kanë mjaftuar për t’u zgjedhur, shkruan albinfo.ch.
Në kantonin e tij, St. Gallen, partia e tij, SP-ja, ka synuar të merrte tri vende në Parlament. Por ajo ka arritur t`i marrë sërish vetëm dy vende. I treti për nga numri i votave (14 mijë e 983 sosh) ka qenë pikërisht Arbër Bullakaj. Në këto rrethana, ai zë vendin plotësues ose “rezervë” që e praktikojnë të gjitha partitë parlamentare. Kjo i bie që në rast të tërheqjes së njërës nga dy deputetet e zgjedhura, Bullakaj inkuadrohet si deputet në Parlament.
Më poshtë, njoftimi që ka bërë Arber Bullakaj:
“Të dashur miq! Ne, mjerisht nuk mundëm të fitonim edhe një vend (të tretin për SP të Kantonit St. Gallen, v.j.). Kjo natyrisht është për të ardhur shumë keq, pasi që ne kemi treguar shumë angazhim së bashku.
Lajmi i mirë është: Unë kam zënë vendin e parë rezervë. Këtë e kam arritur falë jush! Falënderime të perzemërta për të gjithë”.
Të tjera nga Integrimi
E-Diaspora
-
Kori i Filharmonisë së Kosovës do të përformojë me një program të mrekullueshëm në Itali Bëhet e ditur se në qytetin me traditë të vjetër muzikore, në Romë, Kori i Filharmonisë...
-
Krijohet Lidhja e Mësuesve Shqiptarë në Mbretërinë e Bashkuar
-
Blerina, mes grave që po zhvillon inteligjencën artificiale në Itali
-
Familja shqiptare në Diasporë që mbi njëzet vjet çon përpara një art, atë të këpucëtarit
-
Lukas Mandl fton shqiptarët në një tubim madhështor në Baden të Austrisë
Jeta në Zvicër
-
Studimi më i madh rreth kanabisit në Zvicër fillon në Cyrih Në kantonin e Cyrihut, 7500 njerëz do të marrin pjesë në një studim mbi përdorimin e...
-
A mund t’ia dilni pa pasur veturë në Zvicër?
-
Gjuha shqipe, gjuha e huaj më e folur në Zvicër – pas anglishtes
-
Vdes në moshën 81-vjeçare Roger Pfund, ilustruesi i pasaportës zvicerane
-
Bashkimi i shkollës shqipe në Zvicër, një lajm i mirë për të gjithë