Shqipëria
Cakaj : Mospranimi i Kosovës në organizatë ishte gabim historik
Në mbrojtje të Kosovës, ka dalë sot ministri në detyrë i Punëve të Jashtme të Shqipërisë, Gent Cakaj
Asambleja e Përgjithshme e UNESCO-së ka disa ditë që është duke zhvilluar punimet e saj në Paris. Nga Republika e Kosovës nuk është duke marrë pjesë askush. Në ditën parë të kësaj asambleje ka folur presidenti i Serbisë, Aleksadner Vucic, i cili ka kërkuar mbrojtjen e trashëgimisë kulturore serbe në Kosovë, ndërkohë kishte shfrytëzuar terenin për proagandë kundër anëtarësimit të Kosovës në UNESCO.
Megjithatë në mbrojtje të Kosovës, ka dalë sot ministri në detyrë i Punëve të Jashtme të Shqipërisë, Gent Cakaj, i cili ka thënë se do të angazhohet vazhdimisht që Kosova të pranohet në UNESCO.
Cakaj në Paris në Konferencën e Përgjithshme të Organizatës për Edukim, Shkencë dhe Kulturë e Kombeve të Bashkuara, para të pranishmëve ka treguar edhe për fushatën dezinformuese të Serbisë ndaj Kosovës.
”Në diskutim nënvizuam domosdoshmërinë e patjetërsueshme të anëtarësimit të Republikës së Kosovës në UNESCO! Denoncuam fushatën dezinformuese të Serbisë ndaj Kosovës dhe e bëmë të qartë edhe njëherë: Shqipëria do të vazhdojë punën e pakursyer për anëtarësimin e Republikës së Kosovës në UNESCO!”.
Ai në fjalën e tij tha se mos anëtarësimi i Kosovës në këtë organizatë, ishte gabim historik.
”Fatkeqësisht është ende një shtet në Europë që nuk është ende pjesë e kësaj organizate dhe ai shtet është Republika e Kosovës. Refuzimi i anëtarësimit të Kosovës ishte një gabim historik”, ka deklaruar Cakaj.
Ministri shqiptar, ka thënë se këto takime do të ishin më të frytshme nëse do të merrte pjesë Kosova.
”Takimet tona do të ishin më të pasuruara dhe më të mira sikur edhe Kosova të ishte pjesë e UNESCO”.
”Edhe njëherë iu bëjmë thirrje të gjitha vendeve anëtare të UNESCO-s që të mbështesin anëtarësimin e Kosovës në këtë organizatë”, ka shtuar Cakaj.
Të ngjashme
Të tjera nga Shqipëria
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Cyrihu po teston airbag-ët për tramvaj Projekti i filluar në dhjetor 2021 pritet të përfundojë në verën e vitit 2024...
-
Rritet vjedhja e biçikletave elektrike në Zvicër
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën