Lajme

Çeki: Gjendje e jashtëzakonshme nga 5 tetori

E mërkurë, 30 Shtator 2020 - 19:40 albinfo.ch

Qeveria e Republikës së Çekisë miratoi propozimin që ky vend të rikthehet në gjendje të jashtëzakonshme nga 5 tetori, për të luftuar rritjen e mprehtë të numrit të rasteve me koronavirus.

Ministri i Shëndetësisë, Roman Prymula, tha pas mbledhjes së jashtëzakonshme të qeverisë se për së paku dy javët e para gjendja e jashtëzakonshme do të kufizojë tubimet në 20 vetë jashtë dhe 10 vetë brenda, do të ndalojë pjesëmarrjen e audiencave në ngjarjet sportive, do të mbyllë shkollat e mesme dhe do të kërkojë nga studentët e mjekësisë të ndihmojnë në spitale.

Ai tha se teatrot dhe kinematë do të mbeten të hapura, por jo edhe shfaqjet muzikore dhe opera.

Shkalla aktuale e rasteve me koronavirus në Çeki është e dyta në Evropë, pas Spanjës.

Çekia, vend me 10.7 milionë banorë, ka konfirmuar gjithsej 67.843 raste pozitive dhe 636 viktima.

Raste aktive janë 34.448, ndërsa të shtruar në spitale janë 825 pacientë.

Çekia ka shpallur gjendje të jashtëzakonshme në mars, kur edhe ka shpërthyer pandemia e koronavirusit dhe e ka hequr atë dy muaj më vonë. \ REL

 Të ngjashme

Sa ka ndikuar pandemia në lindjet në Zvicër

 Të tjera nga Lajme

A është diaspora shkencore e Kosovës një potencial i pashfrytëzuar për zhvillimin e vendit?

 E-Diaspora

 Jeta në Zvicër