Celina vazhdon me Manchester Cityn

Futbollisti kosovar, Bersant Celina do të vazhdojë kontratën me Manchester Cityn edhe për katër vjet e gjysmë

Bersant Celina për mediat norvegjeze ka bërë të ditur se do të vazhdojë kontratën me Manchester Cityn, shkruan albinfo.ch.

Ai ka debutuar këtë vit në ekipin e parë, si për FA Cup, ashtu edhe në Premierligë dhe konsiderohet si futbollist me të ardhme të ndritur.

“Jam shumë i lumtur këtu dhe e ndjejë se këtu kam të ardhmen”, ka thënë Celina për TV2. Ai nuk e ka përjashtuar mundësinë e huazimit gjatë verës për të luajtur më shumë.

Celina gjithashtu ka folur për Kosovën dhe ndeshjen e parë miqësore pas pranimit në UEFA. “Po, më 3 qershor. Do të luajmë ndaj Ishujve Faroe”, theksoi futbollisti nga Prizreni.