Kosova
Çështja e dinarit dhe dialogu, Escobar nesër i shkon në zyrë Kurtit
Emisari i SHBA-së për Ballkanin Perëndimor, Gabriel Escobar, sot do të nisë vizitën dyditore në Kosovë për t’u takuar me krerët e vendit dhe përfaqësues të opozitës, përcjell albinfo.ch.
Escobar sot do të takohet me presidenten e vendit, me të cilën do të ketë edhe një adresim për media, ndërsa nesër do të jetë në zyrë te kryeministri Kurti.
Se kryeministri Kurti do të takohet nesër me Escobarin, e ka konfirmuar për gazetën online Reporteri, zëdhënësi i Qeverisë, Përparim Kryeziu.
Gjatë vizitës në Prishtinë, Escobar fillimisht do të pritet nga presidentja e Kosovës, Vjosa Osmani. Takimi pritet të nisë në orën 10:00, ka njoftuar Presidenca e Kosovës.
Pas takimit, Osmani bashkë me Escobarin pritet t’u adresohen mediave në një konferencë.
Krahas takimeve me krerët e shtetit të Kosovës, që Departamenti i Shtetit i ka paralajmëruar, emisari amerikan takim do të zhvillojë edhe me krerët e opozitës. Nga Lidhja Demokratike e Kosovës kanë konfirmuar gjatë ditës së djeshme për Gazetën Online Reporteri.net se kryetari Lumir Abdixhiku do t’i përgjigjet ftesës së emisarit amerikan. Edhe nga AAK-ja jozyrtarisht i kanë konfirmuar Gazetës Online Reporteri.net se edhe kreu i AAK-së, Ramush Haradinaj, do të jetë pjesëmarrës në takimin e së mërkurës, që sipas tyre “ka kohë që është kërkuar nga stafi i Escobarit”.
Një ditë para vizitës së tij në Kosovë, Escobar, në një diskutim online me gazetarë, ku mori pjesë edhe gazeta online Reporteri.net, ka numëruar 5 arsye që, sipas tij, rregullorja e re e BQK-së është problematike në implementim.
“Është vendim katastrofal”, tha Escobar në hyrje të diskutimit. Sipas tij, “Kosovës i duhet ndihma për këtë çështje”.
“Po dëgjojmë shumë raportime për vështirësi për qytetarët që varen nga pagesat. Pesë arsye: Shpejtësia e implementimit. Nuk po diskutojmë legjitimitetin e vendimit, por implementimin e vendimit. Qeveria nuk ka ofruar alternativa të tjera, dhe këta njerëz varen nga këto pagesa. Nuk ka pasur paralajmërim/parapërgatitje, pra shumë njerëz që janë varur nga këto pagesa janë lënë në udhëkryq”, tha Escobar.
Escobar ka lënë të kuptohet se me të tilla veprime, Kosova po e pengon dhe anashkalon dialogun.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
Zvicër: Rastet e kollës tek fëmijët shumë të shpeshta Zvicra po goditet nga një valë e kollit, e cila është veçanërisht e rrezikshme për foshnjat...
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?