Çifti zviceran: Ja përse duhet ta vizitoni patjetër Shqipërinë

Në Shqipëri ata janë magjepsur nga natyra që të lë pa frymë me bukurinë e saj. Syri i Kaltër ka qenë vendi i parapëlqyer i çiftit zviceran

Steffi dhe Lui, një çift i ri nga Kantoni Thurgau, prej rreth gjysmë viti po udhëtojnë me kombibusin e tyre “Karl” nëpër të gjitha, 47 shtetet e Evropës. Ata gjatë këtij udhëtimi po mbajnë një lloj ditari me videoxhirime që e publikojnë në formë blogu në comewithus2., shkruan albinfo.ch.

Sot e ka pasur radhën Shqipëria me ç`rast ata kanë treguar se sa e bukur është toka e shqipeve. Në Shqipëri dy zviceranët janë magjepsur nga natyra që, siç thonë ata “të lë pa frymë” me bukurinë e saj. Një atu tjetër që sipas tyre e ka Shqipëria, është natyra ende e paprekur që në këtë vend, si rrallë kund tjetër, mund të haset edhe sot. Po ashtu një favor për Shqipërinë është fakti se nuk është bërë ende cak i turizmit masiv, kështu që atje mund të gjejnë kënaqësinë e tyre ata që e kërkojnë një ambient pak më të qetë.

Syri i Kaltër, ky burim uji me ngjyrën që ia thotë edhe emri, u ka lënë përshtypje të veçanta Steffi-t dhe Lui-t. Pamjet që do t`i shihni në videon bashkëngjitur do të ju bindin për këtë