Sport
Cilat kombëtare evropiane tashmë kanë siguruar Botërorin
Janë kualifikuar direkt: Gjermania, Serbia, Polonia, Anglia, Spanja, Islanda dhe Belgjika
54 shtete evropiane të ndara në nëntë grupe me nga gjashtë kombëtare kanë provuar të sigurojnë fazën finale të Kampionatit Botëror “Rusia 2018” përmes fazës së kualifikimeve.
Ekipet që kanë fituar grupet janë kualifikuar direkt në Rusi, ndërsa nëntë ekipet që përfundojnë në pozitat e dyta renditen në bazë të pikëve, por pa rezultatin ndaj ekipeve që ishin të fundit në grupet e tyre përkatëse.
Nga kjo nëntëshe, tetë skuadrat më të mira ndahen në fazën e “Play-Offit” me eliminim direkt në dy ndeshje vajtje-ardhje, ndërsa ekipi i nëntë eliminohet. Fituesit e këtyre ndeshjeve kualifikohen për Botëror.
Deri tash kanë përfunduar fazën e kualifikimeve grupet C, D, E, F, G dhe I.
Nga këto grupe janë kualifikuar direkt: Gjermania, Serbia, Polonia, Anglia, Spanja dhe Islanda.
Edhe pse pa përfunduar grupi H, Belgjika tashmë ka siguruar pikët e mjaftueshme për kualifikim direkt në Botëror.
Për t’u caktuar fituesit e grupeve kanë mbetur vetëm grupet A dhe B.
Aty në ndeshjen e fundit Franca dhe Suedia luftojnë për vendin e parë të Grupit A, ndërsa Zvicra dhe Portugalia për të parin e Grupit B.
Islanda bëhet shteti më i vogël që merr pjesë në Botëror
Me fitoren 2 me 0 ndaj Kosovës, Islanda siguroi kualifikimin në Botëror duke u bërë njëkohësisht shteti më i vogël që arrin një gjë të tillë.
Ekipi i Heimir Hallgrimssonit triumfoi në Grupin I duke lënë prapa kombëtare si Kroacia, Ukraina e Turqia.
Me vetëm rreth 335 mijë banorë, Islanda bëhet shteti më i vogël që arrin të futet në mesin e 32 kombëtareve në Botëror, shkruan Albinfo.
Para Islandës këtë rekord e mbante Trinidad & Tobago me 1.3 milionë banorë me pjesëmarrjen në Botërorin 2006. Pas tyre ishte Irlanda Veriore me 1.85 milionë banorë, Sllovenia me 2.08 milionë banorë, Xhamajka me 2.89 milionë banorë dhe Uellsi me 3.1 milionë banorë.
E-Diaspora
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër