Lajme

Çmimet e energjisë: Qeveria shqyrton masat për të ndihmuar familjet

Qeveria zvicerane ka ngritur një grup pune për të shqyrtuar nëse nevojiten masa për të lehtësuar barrën e familjeve të shkaktuar nga rritja e çmimeve të energjisë.

Qeveria po vëzhgon zhvillimin nga shumë afër për të sqaruar nëse nevojitet mbështetje për të zbutur rastet e vështirësive”, tha ministrja e Energjisë, Simonetta Sommaruga, në një intervistë për SonntagsZeitung, përcjell albinfo.ch.

“Çështja e rritjes së çmimeve është në radarin tonë”, tha ajo, duke shpjeguar se kishte krijuar një grup pune me ministrin e Financave, Ueli Maurer, dhe kishte zhvilluar tashmë bisedime me 26 kantonet e vendit.

Tarifat e energjisë elektrike për familjet në Zvicër vendosen një herë në vit.

“Rundi tjetër i tarifave do të bëhet në vjeshtë dhe ne do të duhet të vëzhgojmë me vëmendje se sa do të rriten çmimet e energjisë elektrike për konsumatorët privatë. Dhe çfarë masash, nëse ka, nevojiten të paktën për familjet me të ardhura të ulëta dhe për disa kompani të vogla dhe të mesme”, tha ajo, përcjell tutje albinfo.ch.


LAJME INTERESANTE NGA INTERNETI