Credit Suisse me humbje miliarda franga, do të ketë largime masive nga puna

(KEYSTONE/Michael Buholzer)

Banka zvicerane, Credit Suisse ka zbuluar një humbje prej 4 miliardë CHF për tremujorin e fundit dhe thotë se do të heqë mijëra vende pune gjatë viteve të ardhshme.

Banka thotë se planifikon të bëjë kursime me vlerë 2.5 miliardë CHF deri në vitin 2025. Kjo është më shumë nga vlerësimet fillestare prej rreth një miliard, shkruajnë mediat zvicerane, përcjell albinfo.ch.

Kryetari i bankës, Axel Lehmann po pranon se banka nuk ka qenë e fokusuar në vitet e fundit.

2,700 vende pune do të pakësohen këtë vit – por 9,000 gjatë tre viteve të ardhshme.

Banka shpreson që shumica e humbjeve mund të jenë nga humbjet natyrore – pensionet dhe dorëheqjet.