Integrimi
“Darka e Lamës” solli, edhe këtë vit, ushqimet tradicionale shqiptare
Festa është organizuar nga sektori për kulturë i LDK-së, nëndega në Cyrih
Festa tradicionale “Darka e Lamës” ka bërë bashkë një numër të bashkatdhetarëve, të cilët kishin ardhur për ta festuar atë në Embrach të Cyrihut. Kjo festë shënohet në shenjë falënderimi për të mirat që sjell toka jonë përgjatë një viti.
Festa është organizuar nga sektori për kulturë i LDK-së, nëndega në Cyrih. Në kuadër të programit festa “Darka e Lamës” apo siç njihet, si festë gëzimi për punët e kryera të stinës, për mbledhjen e drithërave, frutave dhe të gjitha prodhimeve bujqësore”, u përcoll me ushqime të shumta tradicionale si dhe me muzikë e valle nga ansambli “Vatra”.
Në fjalën e tij përshëndetëse kryetari i nëndegës së Cyrihut, Lulzim Maliqi, tha se dëshiron që kjo festë si në mërgatë, por edhe në Kosovë të festohet, ngase përveç tjerash, “këtë e kemi amanet edhe nga presidenti historik Dr. Ibrahim Rugova“. Ai më tej tha se „Darken e Lamës“ e ringjalli presidenti Rugova“.
Maliqi shtoi se kjo festë i ka rrënjët qysh në Dardaninë e lashtë dhe daton që nga shekulli i pestë (V) para epokës sonë. Nëndega e LDK-së këtë festë të bereqeteve e ka më traditë dhe i fton të gjithë, së bashku, ta hamë një darkë si dardanët tanë dikur.
I pranishëm në këtë darkë ishte edhe konsulli i Republikës se Kosovës në Cyrih, Sami Kastrati.
Para se të shpallnin të hapur Darkën e Lamës, u lexua edhe lutja e zakonshme e kësaj feste duke falënderuar Zotin për të mirat dhe begatitë brenda një viti dhe duke u lutur që në vitin tjetër të na falë, të na dhurojë më shumë të mira.
Pogaçet, djathi i Sharrit, specat, pitet dhe bylmeti, kanë qenë vetëm disa nga produktet ushqimore me të cilat janë ushqyer bashkatdhetarët të dielën mbrëma në “Darkën e Lamës” në restorantin “Rozafa” në Embrach të Cyrihut. Përveç pijeve që ishin prezentë, në sy binte edhe vera “President Rugova”, e cila ishte simbolika e “Darka e Lamës” këtë vit.
Të pranishmit kaluan momente të këndshme në shoqërim të ansamblit “Vatra”, i cili ofroi një mori vallesh me kostumet tradicionale shqiptare.
“Darka e Lamës” si festë e falënderimeve është iniciuar fillimisht nga presidenti i parë i Kosovës, Ibrahim Rugova, ndërsa pas tij edhe pasardhësit e tij vazhduan ta mbajnë vit pas viti. E konsideruar si festë tradicionale shqiptare, “Darka e Lamës” tashmë është bërë tradicionale edhe në Zvicër, ku për çdo vit shënohet nga mërgata shqiptare.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma, edhe pse ka shpenzuar paratë e veta Zyra e kompensimit i kishte refuzuar kërkesën, sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf