Lajme
SHBA: Përplasje të shumta gjatë debatit Trump-Biden
Biden, Trumpit: Mbylle gojën, je presidenti më i keq që SHBA ndonjëherë ka pasur
Presidenti Donald Trump dhe rivali i tij demokrat, ish-nënpresidenti Joe Biden, u përballën në një debat të ndezur të martën, që u karakterizua nga sulme të ndërsjella.
Dy pretendentët në zgjedhjet presidenciale amerikane u angazhuan në shkëmbime me tone luftarake në debatin e tyre të parë presidencial.
Debati u zhvillua në sallën “Sheila and Eric Samson”, në mjediset e Universitetit “Case Western” në qytetin Klivland të Ohajos, ndërkohë që mbeten pesë javë deri në zgjedhjet e 3 nëntorit.
Debati u drejtua nga gazetari i kanalit Fox News, Chris Wallace. Këtë radhë, siç ka ndodhur që nga viti 1988, debati po sponsorizohet nga Komisionki i Debateve Presidenciale.
Pak sekonda pas fillimit të debatit, Presidenti Trump ndërpreu rivalin Joe Biden, gjë që u përsërit shpesh gjatë natës, ndërsa nënpresidenti Biden reagonte shpesh me irritim nga ndërprerjet.
Ndërkaq i pyetur nga moderatori nëse ka paguar vetëm 750 dollarë taksa gjatë periudhës 2016-2017, Trump është munduar të japë përgjigje, duke akuzuar edhe ish-presidentin Barack Obama, por reagimi ishte i menjëhershëm i Biden-it, i cili tha se “Trump është presidenti më i keq që ndonjëherë Shtetet e Bashkuara kanë pasur”.
Ata janë përplasur edhe për maskat mbrojtëse, që janë rekomanduar nga ekspertë të shëndetësisë të barten gjatë pandemisë së COVID-19.
Trump theksonte se Anthony Fauci ka thënë se ato nuk mbrojnë dhe nuk janë aspak të mira, derisa Biden i mohonte këto pretendime, duke këmbëngulur se një gjë të tillë nuk e ka thënë Fauci. /Albinfo.ch
Të ngjashme
Të tjera nga Lajme
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe