Shqipëria

BE-ja bën thirrje që protesta në Shqipëri të jetë paqësore

Delegacioni i Bashkimit Evropian dhe ambasadat e shteteve anëtare Bashkimit Evropian Shqipëri, një deklaratë përbashkët, duke iu referuar protestës sotme Shqipëri, kanë thënë se respektojnë drejtën për protestuar, por u kanë bërë thirrje udhëheqësve protestës, si dhe autoriteteve shqiptare sigurojnë demonstrata e sotme zhvillohet mënyrë rregullt dhe paqësore. 

Po ashtu, ata kanë bërë thirrje të gjitha palëve të mbështeten në ofertën ekzistuese për dialog me synimin për të gjetur një rrugëdalje nga situata aktuale politike si një çështje urgjente. 

“Delegacioni i Bashkimit Evropian dhe Ambasadat e Shteteve Anëtare të Bashkimit Evropian në Shqipëri respektojnë plotësisht të drejtën themelore të qytetarëve të Shqipërisë për të demonstruar. Megjithatë, ne përsërisim rëndësinë e ushtrimit të kësaj të drejte në mënyrë paqësore”, thuhet në njoftim. 

Ata kanë thënë se dënojnë aktet e dhunës që kanë ndodhur në protestat e mëparshme, duke u bërë thirrje udhëheqësve të protestës si dhe autoriteteve shqiptare që të sigurojnë që demonstrata e sotme të zhvillohet në mënyrë të rregullt dhe paqësore. 

Sipas tyre, të gjitha palët e përfshira kanë përgjegjësinë për të garantuar sigurinë e atyre që janë në rrugët e Tiranës sonte. Nuk ka vend për dhunë në një protestë paqësore. Autoritetet e zbatimit të ligjit kanë përgjegjësinë për të vepruar me vetëpërmbajtje, edhe nëse provokohen. 

“Për të mirën e qytetarëve shqiptarë, shumica e të cilëve dëshiron të shohë që vendi të bëjë përpara me procesin e reformave dhe të ecë drejt anëtarësimit në Bashkimin Evropian, ne u bëjmë thirrje të gjitha palëve të mbështeten në ofertën ekzistuese për dialog, me synimin për të gjetur një rrugëdalje nga situata aktuale politike si një çështje urgjente”, thuhet tutje në njoftimin e tyre.