Departamenti i Drejtësisë në SHBA e cilëson “absurd” pezullimin e vendimit për azil

Departamenti amerikan i Drejtësisë ka thënë të martën se do të vazhdojë të mbrojë vendimin e presidentit amerikan, Donald Trump, i cili u pamundëson kërkesën për azil personave që hyjnë ilegalisht në Shtetet e Bashkuara dhe i cili është bllokuar përkohësisht nga një gjyqtar federal, shkruan REL, përcjell Albinfo.ch.

Trump ka cituar sistemin e imigrimit kur ka marrë këtë vendim, sipas së cilit zyrtarët do të marrin parasysh vetëm kërkesat për azil nga migrantët që hyjnë në mënyrë të rregullt kufirin SHBA-Meksikë.

Mirëpo grupet për të drejtat e njeriut e kanë dërguar tek autoritet këtë vendim, andaj gjyqtari, Jon Tigar nga San Francisko ka bllokuar përkohësisht vendimin, duke thënë se Kongresi ka lejuar më parë imigrantët të aplikojnë për azil pavarësisht se si kanë hyrë në shtet.

Megjithatë Departamenti amerikan i Drejtësisë ka thënë të martën se vendimi i Tigar ka qenë “absurd”, sepse u ka lejuar grupeve për të drejta civile që të kenë mundësi “të ndalojnë qeverinë federale nga të vepruarit prandaj tani të huajt mund të përfitojnë nga të mirat qeveritare”.

Bllokohet urdhri i Trumpit për azilin.

Vendimi për azil ka ardhur masi mijëra persona nga Amerika Qendore, duke përfshirë një numër të madh të fëmijëve kanë udhëtuar në një karvan me synim të kalimit të kufirit të SHBA-së, ashtu që t’i ikin dhunës dhe varfërisë, shkruan REL, përcjell Albinfo.ch. 

Deri më tash, disa prej tyre kanë arritur në Tijuana, qytet i Meksikës në kufi më Kaliforninë.

“Ne do të vazhdojmë të mbrojmë urdhrin dhe arsyetimin e autoriteteve për të adresuar krizën në kufirin tonë jugor”, ka thënë ky Departament.