Deri tani, 325 të lënduar nga tërmeti në Shqipëri

392 thirrje në qendrën e koordinimit të urgjencës

Ministria e Shëndetësisë informon për personat e lënduar për shkak të lëkundjeve të forta të tërmetit që tronditën sot vendin.  Janë 325 persona të lënduar në total që kanë marrë mjekim në spitalet e Durrësit dhe Tiranës.

Deri tani te Spitali i Traumës 135 të lënduar kanë marrë trajtim. Në Spitalin e Durrësit janë 130 të lënduar. Në QSUT, 60 raste. Qendra e koordinimit të urgjencës ka pritur 392 thirrje, janë realizuar 91 misione në spitale.

Ministrja e Shëndetësisë, Manastirliu, po e ndjek nga afër situatën në qendrën kombëtare të urgjencës mjekësore.

---